काठमाण्डौ उपत्यका बाहिर युरोपियन कलस्टल तालिम नहुदा बैदेशिक रोजगारमा जाने श्रमिक मारमा 

पोखरा एक्सप्रेस ,पोखरा ।

वैदेशिक रोजगार विभागले वैदेशिक रोजगारमा जाने श्रमिक अभिमुखीकरण तालिम संशोधन कार्यविधि २०८१/६/७ को जबरजस्त लागु गरेको भन्दै सरोकारवाहरुले गुनासो व्यक्त गरेका छन् । ओरियन्टेसन लाई कलस्टल सिस्टममा लैजाने तथा एक संस्था एक कलस्टल गर्दै संशोधित कार्यविधि अनुसार फिन्गर प्रिन्ट मा सेटिङ भयो भन्दै आइरिस मिसिन लगायतका मापदण्ड हुनेगरि शुल्क २१०० तोकियो । शुल्क बढ्दा वैदेशिक रोजगारीमा जाने श्रमिक लाई भार पर्ने साथै कलस्टल लागु हुदा श्रमिक  अनिवार्य काठमाडौँ नै धाउनुपर्ने बाध्यात्मक परिस्थिति सिर्जना हुने भयकोले केही संस्थाले विरोध गरे । त्यसको विरोध स्वरूप सरकार लाई प्रतिवादी बनाउँदै अदालतमा मुद्दा दायर भयो उक्त मुद्दा हाल सम्म पनि  विचाराधीन अवस्थामा छ । तर ओरियन्टेसन महासङ्घका केही व्यवसायीहरू र विभागका कर्मचारीको मिलेमतोमा युरोपियन कलस्टल सिन्डिकेट गरि नेपाली श्रमिकलाई काठमाडौँ धाउन बाध्य पारिरहेको सेवाग्राहीको गुनासो गरेका छन् ।

विभागले पछिल्लो समय मलेसिया जाने नेपाली श्रमिकको माग बढेसँगै अन्य कलस्टल्बाट मलेसिया कलस्टलमा परिवर्तन गर्न ओरिएन्टेसन व्यावसायिक लाई निर्देशन गरेको थियो । पछिल्लो समय धेरै सङ्ख्यामा युरोपियन मुलुकमा काम गर्न जाने नेपाली श्रमिक छन् तर युरोपियन कलस्टलमा व्यावसायिक आफै जान इच्छुक भई निवेदन पेस गर्दा पनि वैदेशिक रोजगार विभाग विभिन्न बहानामा आनाकानी गर्दै आइरहेको स्रोत बताउँछ । यस्तो प्रवृत्तिले गर्दा बिभागलेनै नचाहेको होकि कसैको दबाबमा परेर आनाकानी गरिरहेको हो भन्दै सेवाग्राहीले गुनासो गरेका छन् ।