१९ मंसिर काठमाडौँ । पटक-पटक निर्वाचन कार्यतालिका निकाल्दै स्थिगित हुने गरेको नेपाल पत्रकार महासंघको चुनाव आगामी मंसिर २८ गतेका लागि तोकिएको छ ।  निर्वाचन सम्पन्न गर्न नेपाल पत्रकार महासंघले आज निर्वाचन कार्यतालिका सार्वजनिक गरेको छ । । सार्वजनिक कार्यतालिका अनुसार मङ्सिर २१ गते शुक्रबार उम्मेदवारको मनोनयन दर्ता हुने भएको छ ।

त्यसैगरी मङ्सिर २२ गते उम्मेदवारको अन्तिम नामावली सार्वजनिक गरिनेछ भने मतदान मङ्सिर २८ गते बिहान १० बजेदेखि अपराह्न ४ बजेसम्म चल्नेछ । प्रदेश समितिको मनोनयन मङ्सिर २४ गते जिल्ला शाखा र प्रतिष्ठान शाखाको मङ्सिर २६ गते मनोनयन दर्ता गर्ने गरी व्यवस्था मिलाउनुहुन सम्बन्धित निर्वाचन समितिलाई अनुरोध समेत गरिएको छ