नबिल बैंकले करिब चार लाख कित्ता संस्थापक सेयर बिक्री खुलायो

पोखरा एक्सप्रेस ,काठमाडौं।

नबिल बैंकले संस्थापक सेयरधनीको नाममा रहेको ३ लाख ८९ हजार बढी कित्ता सेयर बिक्री खुलाएको छ।

बैंकले संस्थापक समूहको ३ लाख ८९ हजार २५१ कित्ता सेयर बिक्री खुलाएको हो। यसमा बैंकका संस्थापक सेयरधनीले मात्रै खरिदका लागि निवेदन दिन सक्नेछन्।

इच्छुक संस्थापक सेयरधनीले तोकिएको मिति ३५ दिनभित्र काठमाडौंको दरबारमार्गस्थित बैंकको केन्द्रीय कार्यालयमा निवेदन पेस गर्न सकिनेछ।

तोकिएको अवधिभित्र संस्थापक सेयरधनीबाट सेयर खरिद निवेदन नपरे अन्य व्यक्ति तथा संस्थालाई बिक्री खुला गरिने बैंकको सूचनामा उल्लेख छ।