सिद्धार्थ इक्विटी फन्ड २ इकाइ बिक्री वैशाख २१ देखि, १ करोड इकाइसम्म आवेदन दिन सकिने

काठमाडौं। १२ वर्षे बन्दमुखी योजना सिद्धार्थ म्युचुअल फन्डअन्तर्गत सञ्चालन हुने ‘सिद्धार्थ इक्विटी फन्ड २’का इकाइ वैशाख २१ देखि बिक्री खुलाइने भएको छ।

कोष प्रवर्द्धक सिद्धार्थ बैंक र योजना व्यवस्थापक सिद्धार्थ क्यापिटलका रहेका योजनाको १० रुपैयाँ अंकित दरमा १० करोड इकाइ जारी गर्न लागिएको हो।

कुल इकाइमध्ये १ करोड ५० लाख सिद्धार्थ बैंकका लागि सुरक्षित गरेर बाँकी ८ करोड ५० लाख इकाइ सर्वसाधारणले आवेदन दिन सक्नेछन्।

लगानीकर्ताले न्यूनतममा १०० इकाइ र अधिकतममा १ करोड इकाइसम्म आवेदन दिन सक्नेछन्। योजनाको निष्कासन बन्द छिटोमा वैशाख २४ र ढिलोमा जेठ ४ गतेसम्म हुनेछ।