पोखरामा मोटरसाइकलको ठक्करबाट पैदलयात्रीको मृत्यु

पोखरा एक्सप्रेस ,पोखरा ।

पोखरामा मोटरसाइकलको ठक्करबाट पैदलयात्रीको मृत्यु भएको छ । पोखरा २९ आदर्शचोकमा मोटरसाइकलले ठक्कर दिँदा ६१ वर्षीय रमाकान्त शर्माको मृत्यु भएको हो ।

तालचोकबाट पावर हाउसतिर जाँदै गरेको ग २४ प १६३५ नम्बरको मोटरसाइकलले जेब्राक्रसबाट बाटो काटिरहेका शर्मालाई ठक्कर दिएको थियो । मोटरसाइकलको ठक्करबाट गम्भीर घाइते भएका उनलाई उपचारका लागि पश्चिमाञ्चल अस्पताल पुर्‍याइएको थियो ।तर अस्पताल पुर्‍याउनासाथ चिकित्सकले उनलाई मृत घोषणा गरेका हुन् । घटनाबारे थप अनुसन्धान भइरहेको कास्की प्रहरीले जानकारी दिएको छ ।