पहिरो खस्दा सिद्धार्थ राजमार्ग पूर्णरुपमा अवरुद्ध

पोखरा एक्सप्रेस ,पाल्पा ।

तिनाउ गाउँपालिका–३ सिद्धबाबा सुरुङमार्गमा पहिरो खस्दा सिद्धार्थ राजमार्ग पूर्णरुपमा अवरुद्ध भएको छ । पहिरो खसिरहेकोले पन्छाउन सकस भएको प्रहरीले बताएको छ । उक्त स्थानमा प्रहरी चौकी दोभानबाट प्रहरी सहायक निरीक्षकको कमान्डमा ट्राफिकसहित ५ जनाको टोली खटिएको छ । बाटो खुलाउने पहल भइरहेको र पहिरो खस्न रोकिनासाथ काम सुरु हुने प्रहरीले जानकारी दिएको छ ।