नेपाली सेना बोकेको बस दुर्घटना, २४ जना घाइते

पोखरा एक्सप्रेस ,काठमाडौं।

भोजपुरमा सेनाको टोली बोकेको बस दुर्घटनामा परेको छ। भोजपुर नगरपालिका ३ स्थित सेतीबगरमा आगामी निर्वाचनका लागि बेस स्थापना गर्न जाँदै गरेको नेपाली सेनाको टोली बोकेको बस दुर्घटनामा परेको हो।

प्रहरीका अनुसार नेपाली सेनाको नयाँ श्रीनाथ गण भोजपुरबाट टेम्केमैयुङका लागि हिँडेको ना४ख ७३१७ नम्बरको बस सडकबाट करिब २०० मिटर तल खसेको हो।

दुर्घटनामा २४ जना सेना घाइते भएका छन्। घाइतेमध्ये ८ जनालाई नेपाली सेनाको हेलिकप्टरमार्फत उपचारका लागि काठमाडौं ल्याइएको छ।