पृथ्वीराजमार्गको आँबुखैरेनीमा सडक भासियो

पोखरा एक्सप्रेस ,तनहुँ

तनहुँको आँबुखैरेनी गाउँपालिका-४ साँखरमा सडक भासिएको छ, जसले गर्दा आँबुखैरेनी-मुग्लिन सडक एकतर्फी सञ्चालन भएको छ।

शनिबारको वर्षाका कारण सडक भासिएपछि प्रहरीले एकतर्फी सवारी व्यवस्थापन गरेको छ।

यसअघि २०७९ जेठमा पनि सोही स्थानमा सडक भासिएपछि मर्मत गरिएको थियो।

तनहुँ । पृथ्वीराजमार्गअन्तर्गत तनहुँको आँबुखैरेनी गाउँपालिका–४ साँखरमा सडक भासिएको छ । शनिबार बिहानैदेखि परेको वर्षाका कारण उक्त ठाउँको सडक भासिएपछि आँबुखैरेनी–मुग्लिन सडक एकतर्फी सञ्चालन भएको छ ।

इलाका प्रहरी कार्यालय आँबुखैरेनीका प्रहरी निरीक्षक टेकप्रसाद सुवेदीले अपरान्ह ४ बजेतिर सडक भासिएको जानकारी दिए । दुवैतर्फ प्रहरी राखेर सुरक्षित रुपमा एकतर्फी रुपमा सवारी साधन आवतजावतको व्यवस्था मिलाइएको उनको भनाइ छ ।

विसं २०७९ जेठ २७ गते सोही ठाउँमा सडक भासिएपछि भित्ता काटेर मस्र्याङ्दी नदीतर्फबाट पर्खाल उठाइएको थियो । सोही ठाउँमा पुनः सडक भासिएको प्रहरीले जनाएको छ ।