पृथ्वी राजमार्गमा पेट्रोलियम पदार्थको अभाव छैन : आयल निगम

पोखरा एक्सप्रेस ,पोखरा ।

नेपाल आयल निगमले पृथ्वी राजमार्गका पेट्रोल पम्पमा पेट्रोलियम पदार्थको अभाव समाधान भएको जनाएको छ।

मुग्लिन-नारायणगढ सडक खण्ड अवरुद्ध हुँदा पेट्रोलियम पदार्थ ढुवानीमा समस्या आएको थियो।

सडक खुलेपछि राजमार्गका पेट्रोल पम्पहरूमा पेट्रोलियम पदार्थको अभाव हटेको छ।

काठमाडौँ । नेपाल आयल निगमले पृथ्वी राजमार्ग अन्तर्गतका पेट्रोल पम्पहरूमा देखिएको पेट्रोलियम पदार्थको अभाव समाधान भइसकेको जनाएको छ ।

मुग्लिन–नारायणगढ सडक खण्ड अवरुद्ध भएको कारण  पेट्रोलियम पदार्थको नियमित ढुवानी हुन नसक्दा यसअघि अधिकांश पेट्रोल पम्पले सेवा दिन नसके पनि बाटो खुलेसँगै नियमित अवस्थामा फर्किएका हुन् ।

निगमले भनेको छ– ‘मुग्लिन–नारायणगढ सडक खण्ड अवरुद्ध भएको कारण बाट पृथ्वी राजमार्ग अन्तर्गतका पेट्रोल पम्पहरूमा देखिएको पेट्रोलियम पदार्थको अभाव समाधान भइसकेको र अव सो राजमार्ग अन्तर्गतका पेट्रोल पम्पहरूमा पेट्रोलियम पदार्थको अभाव नरहेको ब्यहोरा सम्पूर्ण सरोकारवाला पक्षलाई जानकारी गराइन्छ । ‘