सराङ्गकोट बहुृद्देश्यीय सहकारीको अध्यक्षमा बानियाँ

पोखरा एक्सप्रेस ,पोखरा ।

सराङ्गकोट बहुउद्देश्यीय सहकारी संस्था लि. को १९ औ वार्षिक साधारण सभा एवं सातौ अधिवेशनले शिव बहादुर बानियाँको अध्यक्षतामा निर्विरोध कार्य समिती चयन गरेको छ ।सो समितीको उपाध्यक्षमा रामणी पौडेल ,सचिव जयराम पौडेल , कोषाध्यक्ष शिव बहादुर थापा, सञ्चालक सदस्यहरुमा छविलाल तिमिल्सिना, आरती श्रेष्ट, रिता क्षेत्री , ध्रुव कुमार सुञ्चौरी, पुष्पा महर्जन रहेका छन् ।
लेखा समिती संयोजकमा कुल प्रसाद सुवेदी , सदस्यहरुमा माय कुमारी शर्मा र तारादेवी थापा रहेका छन् ।
सो साधारण सभाको शुभारम्भ गर्दै संस्थाका जेष्ठ सदस्य अधिवक्ता डा. कृष्ण गोपाल पराजुलीले सहकारी संस्थामा सदस्यहरुको सहभागीता महत्वपूर्ण रहने बताए ।
सञ्चालक समितीको तर्फबाट प्रतिवेदन राख्दै संस्थाका अध्यक्ष कृष्ण बहादुर थापाले संस्थामा ६३९ शेयर सदस्यहरु मर्फत यो वर्ष १ अर्व ८९ करोडको बचत संकलन गरी बचत फिर्ता १ अर्व ७८ करोड , लगानी ४६ करोड सहित ५६ करोड २४ लाखको वासलात रहेको बताए।
कार्यक्रममा शेयर सदस्य अधिवक्ता गोविन्द पौडेल , शेयर सदस्यहरु मध्ये बचत , कारोबार , नियमित कर्जा, प्रोत्साहन सहित संस्थामा उत्कृष्ट कर्मचारी सम्मान पवन श्रेष्ट , सदस्य मध्ये जेष्ठ सदस्य सनकमान बाटाजु र शेयर सदस्यका छोराछोरीलाई शैक्षिक सम्मान गरीएको थियो ।
कार्यक्रममा पूर्व अध्यक्ष प्रेम बहादुर जि.सी , सुशिलराज पराजुली सल्लाहकार सोभियत बहादुर अधिकारी , कमलनयन गौतम, डा. इन्द्रमान महर्जन , इन्द्रकमल मानन्धर , निर्वाचन समिती संयोजक चिन्तामणी बास्तोला, सदस्य गणेश बहादुर अधिकारी , सञ्चालक सदस्य विकल पौडेल र तारादेवी थापा लगाएतले सहकारीलाई दिगो रुपमा परिणाम दिन सक्ने गरी योजना बनाउनु पर्ने बताए ।
संस्थाका अध्यक्ष कृष्ण बहादुर थापाको सभापतित्वमा भएको कार्यक्रमा उपाध्यक्ष बसन्त बहादुर बानियाँ सचिव कुल प्रसाद सुवेदी , कोषाध्यक्ष राममणी पौडेल, लेखा संयोजक शिव बहादुर बानियाँ , व्यवस्थापक सुरेन्द्र थापाबाट राखिएको प्रतिवेदन , रणनितिक योजना, प्रस्तावित कार्यक्रमलाई पारित गरिएको छ ।
२०६३ मा सामुदायिक सहभागिता सहित रेडियो सराङ्गकोटको सञ्चालन गर्ने गरी शुरुवात गरीएको संस्थाले स्थापना देखी रेडियो सराङ्गकोटको प्रशारण , सामाजिक रचनात्मक कृयाकलापहरु , रक्तदान शैक्षिक सहयोग कार्यक्रम गर्दै आएको छ ।