डोको, थुन्से र ढाकर बेचेर पाँच सदस्यीय परिवारको भरणपोषण

पोखरा एक्सप्रेस ,पोखरा ।

म्याग्दीका शेरबहादुर परियारले बाँस र निगालोको चोयाबाट डोका, डाला बनाएर मासिक १२ हजार कमाउँछन्।१९ वर्षको उमेरदेखि यो सीप सिक्न थालेका परियारले डोका बेचेर छोराछोरी पढाए र बिहे गराए।उनका उत्पादनको माग बढ्दो छ, र ग्राहकहरू अहिले घरमै आउने गरेका छन्।

म्याग्दी । बेनी नगरपालिका–९ तोरीपानीका ४९ वर्षीय शेरबहादुर परियारले बाँस र निगालोको चोया काडेर डोका,डाला थुन्से, ढाकर बनाउछन् । बाँसका वस्तु बनाउन सिपालु कालीगढ  उनले आफ्ना उत्पादन बेचेर मासिक रु १२ हजार आर्जन गर्दै आएका छन् । आफ्नो पाँच सदस्यीय परिवारको भरणपोषण यही रकमबाट हुँदै आएको छ । उन्नाइस वर्षको उमेरदेखि  बाँस र निगालाको चोयामा उनले सीप भर्न थालेका हुन्। डोकाडाला बनाउने उनको जाँगर जवानको जस्तै छ । “अझै  जवान छु जस्तो लाग्छ तर ५० वर्षको हुन लागेछु”, पसिनाले पोतिएको अनुहारमा मुस्कान ल्याउँदै उनले भने ।- (रा. स. स .)