रविको सांसद पद निलम्बन

८ पुस,काठमाडौं । प्रतिनिधि सभा सदस्य रवि लामिछाने सम्पत्ति शुद्धीकरणको आरोपमा निलम्बित भएका छन्। कास्की जिल्ला अदालतमा दायर मुद्दामा लामिछानेविरुद्ध सहकारी ठगी, संगठित अपराध र सम्पत्ति शुद्धीकरणको आरोप लगाइएको छ।

सम्पत्ति शुद्धीकरण (मनी लाउन्डरिङ्ग) निवारण ऐन, २०६४ को दफा २७ अनुसार कुनै राष्ट्रसेवक वा संगठित संस्थाको पदाधिकारी वा कर्मचारीमाथि यस्तो मुद्दा दायर भएमा उनी स्वतः निलम्बित हुने व्यवस्था छ।प्रतिनिधि सभा सचिवालयका महासचिव पद्मप्रसाद पाण्डेयले सोमबार एक सूचना जारी गर्दै लामिछाने निलम्बित भएको जानकारी गराएका छन्।