२१ मंसिर पोखरा । दर्शन बचत तथा ऋण सहकारी संस्था लि.को आयोजनामा पोखरा १७ मा रहेको नेपाल ठकुरी संगम परिवार कास्कीको हलमा सहकारी संबन्धी क्षमता बिकास कार्यक्रम शुक्रबार सुरु भएको छ ।
क्षमता बिकास कार्यक्रम नेपाल ठकुरी संगम परिवार कास्कीमा रहेका भातृ सस्थकहरुका सञ्चालक समिति तथा पदाधिकारीहरुलाई दुई दिने तालिम दिइएको हो ।
दर्शन बचत तथा ऋण सहकारी संस्था लि.ले सहकारीको बारेमा चेतना फैलाउन सहकारी अभिमुखिकरण कार्यक्रम गरेको उक्त सहकारीका अध्यक्ष राजाराम शाहीले जानकारी दिनुभयो ।
कार्यक्रममा प्रशिक्षक सहकारी विज्ञ चन्द्र बहादुर ठकुरीले सहकारीमा हरेकको आवश्यकता भएको बताउदै कार्यक्रम अवधिभर सहकारीको अवधारणा सम्बन्धी कुराहरु जानकारी गराउनुभएको थियो ।
साथै प्रशिक्षक ठकुरीले सहकारीको सञ्चालक समिति , लेखा तथा सुपरिवेक्षण समिति, ऋण तथा लगानी समितिका काम, कर्तव्य तथा सहकारी ऐनका बारेमा प्रष्ट पार्नुभएको थियो ।
कार्यक्रममा नेपाल ठकुरी संगम परिवार कास्कीका अध्यक्ष शेर बहादुर उच्चै , नेपाल ठकुरी महिलाका अध्यक्ष सरस्वती हमाल , नेपाल ठकुरी भुपु परिवार कास्कीका अध्यक्ष फम सिंह नेपाल , दर्शन बचत तथा ऋण सहकारी संस्था लि.का सञ्चालक समिति , लेखा तथा सुपरिवेक्षण समिति, ऋण तथा लगानी समिति लगाएतको उपस्थिति रहेको थियो ।
तपाईको प्रतिक्रिया