दोस्रो हिसान गण्डकी प्रेदश स्तरीय फुटसल प्रतियोगिताको कास्की छनौट शुरु

पोखरा
उच्च शिक्षालय तथा माध्यमिक शिक्षालय संघ (हिसान) गण्डकीको आयोजनामा हुने दोस्रो प्रदेशस्तरीय हिसान प्लस टु तथा युनिभर्सिटी लेवल फुटसल प्रतियोगिताको कास्की छनौट खेल शुरु भएको छ । प्रतियोगितामा ४० टिमको सहभागीता रहेको छ । प्रतियोगिताको उच्च शिक्षालय तथा माध्यमिक शिक्षालय संघ (हिसान) केन्द्रिय सल्लाहकार सूर्य बहादुर जिसिले उद्घाटन गरे ।

उद्घाटन खेलमा हिलप्याइनले गुरुकुल विद्यालयलाई पेनाल्टी सुटआउटमा ३–२ गोलले हरायो । हिसान गण्डकीको सदस्य विद्यालय बिच हुने प्रतियोगितामा कक्षा ११ र १२ मा अध्ययनरत विद्यार्थीहरुले सहभागीता जनाएका छन् । कास्कीबाट १२ र अन्य जिल्लाबाट ४ गरी १६ टिमले उपाधिका लागि प्रतिस्पर्धा गर्ने हिसान गण्डकीका अध्यक्ष रमाकान्त बरालले जानकारी दिए । गण्डकी स्तरीय प्रतियोगिता फागुन ४ देखी ७ गते सम्म पोखरा रंगशालामा प्रतियोगिता हुनेछ । कास्की छनौटबाट छानिएका १२ टिमले प्रदेश स्तरीय प्रतियोगितामा भाग लिन पाउने छन् ।

प्रतियोगिताको विजेताले नगद १ लाख, मेडल, ट्रफि र उपविजेताले नगद ५० हजार, मेडल र ट्रफि प्राप्त गर्ने अध्यक्ष बरालले बताए । कास्की छनौटमा करिब ५० विद्यालयको सहभागीता जनाउने प्रतियोगिताको व्यवस्थापन गरीरहेको सबिन मेमोरीयल फुटबल क्बलका अध्यक्ष सञ्जय लिगले बताए ।

त्यसै गरी युनिभर्सिटी लेवल फुटसल प्रतियोगितामा गण्डकी प्रदेशका १२ टिमको सहभागीता हुने लिगले बताए । खुल्ला कलेजस्तरीय फुटसल प्रतियोगिताका विजेताले नगद २० हजार मेडल र ट्रफि, उपविजेताले नगद १० हजार मेडल र ट्रफि प्राप्त गर्ने छन् । प्रतियोगिताको सविन मेमोरियल क्बलले संयोजन गरेको छ ।

हिसान फुटसल प्रतियोगिताले नयाँ खेलाडी उत्पादन गर्न सहयोग गर्ने प्रतियोगिताका संयोजक सन्तोष पराजुलीले बताए । युवाहरुमा भएको खेलकुदको प्रतिभा देखाउने ठाउँ नपाएकाहरुलाई यो अवसर हुने उनको भनाई छ ।

उद्घाटन कार्यक्रममा हिसानका केन्द्रिय सल्लाहकार सूर्य बहादुर जिसिले प्रतियोगिताबाट विद्यार्थीले खेल्दै सिक्दै गर्ने अवसर पाउने बताए । त्यसै गरी हिसान गण्डकीका अध्यक्ष रमाकान्त बरालले शुभकामना दिदै खेलाडी उत्पादनमा यस्ता प्रतियोगिताले निरन्तराता पाउनु पर्ने बताए । हिसान कास्कीका अध्यक्ष यम बहादुर रोका, उपाध्यक्ष दिवाकर जैसी र सचिव ढाकाराम कडेंल लगाउनले प्रतियोगिताका बारेमा जानकारी दिएका थिए । प्रतियोगिता सम्पन्न गर्न ६ लाख ५० हजार खर्च हुने प्रदेशका कोषाध्यक्ष राजेन्द्रमणी पौडेलले जानकारी गराए ।